لتطوير الذات ! تعلم النذالة في دقائق

تعلم النذاله في دقائق

طور ذاتك عزيزي اشبع مافي داخلك وعبر عن مشاعرك ولاتعض على اسنانك كثيراً

اخرج مافي داخلك بالنذالة

طرق سهلة وخفيفه لكي تكون نذلاً محترفاً في أقصر وقت :

اذا كنت في عزيمة .....

بعد ماتغسل افتح الماء على الحار الين تشوفه صااار حار وقفل البزبوز

<< حلوة البزبوز هذي من الأرشيف القديم >>

وشوف اللي يجي بعدك وش يصير فيه

***************

اذا جاك واحد مغثة ماتبيه اذا سويت له شاي.....

لا تجيب كاسة ام عروه عليك بكاسات

الجبن وصب له بها ....واملها عالآخر علشان مايقدر يمسك الكاس

ملاحظة مهمة:

اذا كانت الخدامه ما تعرف تسوي شاي خليها هي اللي تسويه

علشان تضيف نكهات غريبة عليه

***************

واذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل

شويه وكل مره كلمه على انه واحد ثاني وقول " لالا والله مقدر الحين عندي ضيف يمكن بعد عشر دقايق "

ولا تنسى شي مهم لاتلبس ساعة عشان كل شويه تسأله كم الساعة

ولما يكلمك لاترد عليه على طول من أول مره سو نفسك ما سمعته ..

*****************
واذا اتصل بك واحد دمه ثقيل وثرثار رد باختصارات

الحمدلله.. ايه.. لا مادري.. يمكن .. الظاهر ..احاول ..

ولاتكثر في الكلام علشان يطفش منك بسرعه

واذا طوّل اوهمه انك تكلم واحد بجنبك اذا شفته باقي يثرثر

وإذا مو ناوي يقفل سوي حيلة الخط المقطوع وقول " ألو ألووووووووو وينك

ألوووووووووووو يابو الشباب........ الظاهر ان الخط انقطع " بعد كذا سكر السماعة ... بس وتفتك منه

الا اذا اتصل ثانيه ساعتها عاد الباقي عليك

*****************

واذا بغيت تجنن الخدامه ادخل المطبخ واشرب نص كاس عصير وكنك منت متعمد كب

الباقي على البلاط واذا كان المطبخ مفروش يكون احسن

واذا نامت وهي بعز النوم صحيها

وقولها تسويلك عشاء

ساعتها بيكون الضغط عندها ألف

بس الخوف انها تحط لك سم فيران ...!!!!!!!

**************

واذا حبيت ترفع ضغط اهلك الحريم لما يطلبوا منك توديهم السوق بعد

ما يجهزوا ..ويطلعوا اركب السيارة وخليك ! طبيعي وفجأه قلهم أففففففف السيارة

موراضيه تشتغل ..طبعاً انت ماخذ احتياطك وفاصل اصبع البطارية

و شوف وش بيسوون فيك ساعتها ..

والطريقه الثانيه عشان يحرمون يطلبوا منك توديهم السوق ....

لاتشغل مكيف السياره بس التهويه ( المراوح )

وقلهم التكييف خربان خلهم ينطبخون واذا قالوا نبغى نفتح النوافذ

قلهم خربانه واذا فتحتوها ماراح تتسكر بعدين

****************

اذا في احد رافع ضغطك ودك تسوى فيه مقلب

عليك بهالحركه:

خذلك ولاعه وسخن يد الباب بعدين تعال وقل له : افتح الباب الله لايهينك

بس انتبه على نفسك لاتطب ساكت من الضحك

****************

أبشرك أنت الآن دخلت عالم النذالة من أوسع ابوابها


تحياتي